නොකියවූ ලිපිය

 

මේක ඇත්ත කතාවක්. මේක උනේ ශ්‍රීනාත් sir ගේ නුගේගොඩ රොටරි එකේ තිබ්බ 2008 A/L Chemistry revision class එකේ අන්තිම දවසෙ දී. මේ ලියුම මගේ හොඳම යාලුවෙකුගේ girl friend ට ලැබුණු එකක්. හැබැයි ඒ ගෑණු ළමයා මේ ලියුම ලැබුණු මොහොතෙම -කියවන්නෙ වත් නැතුව-මගේ යාලුවට ගෙනත් දුන්නා .එතකොටත් class එක ඉවර වෙලා තිබුණු නිසා මේ ලියුම ගැන කිසිම ක්‍රියාමාර්ගයක් ගැනුනෙ නැහැ. පස්සෙ කාලෙක මේ ගෑණු ළමයයි,මගේ යාලුවයි break upඋනා. හැබැයි මේ ලියුම තාම මගේ යාලුවා ළඟ……

***************

2008.07.23

“සමාවෙන්න ”, ඒ මම ඔයා වෙනුවෙන් ලියපු පලවෙනි වචනය.“මේකිගේ තියෙන ආඩම්බරේ ”...ඒ ඔයාව දැකපු පලවෙනි දවසෙම ඔයා ගැන මට හිතුන දේ.

ඔයාව අපහසුතාවයට පත් කරන්න මට ඕන උනේ නැහැ.ඒකයි සමාවෙන්න කිව්වේ ...මේ ලියුම කියවද්දි මම ඔයාගෙන් හුඟක් ඈත .

මං කොළඹට ආවේ ඉගෙන ගන්න.ජීවිතේ දිනන්න මට තියෙන එකම හවුහරන ඒක.ඔය වගේ නෙමෙයි මං දුප්පත්.ඒත් ඉතින් මොනවා කරන්නද හිතට ආදරේ දැනෙන්නෙ දුප්පත් පෝසත් බලල නෙමෙයිනෙ.මට කියාගන්න ඕනේ එකම දේත් ඒක.“මං ඔයාට ආදරෙයි.”

මට හිතාගන්න ඕන උනා ඔයා මොන වගේ කෙනෙක්ද කියල...ඔයාල(යාලුවයි)කතාකරන දේවල් මං අහගෙන හිටියා.මටත් ලැජ්ජා නැහැ කෙල්ලන්ගෙ කතා වලට ඇහුම්කන් දෙන්න.

සමහර දේවල් නිසා මම අතරමං උනා.කෙනෙක් තව කෙනෙක්ට ආදරේද කියල අහලම දැනගන්න ඕනෙ නැහැ.අදාල කෙනාට ඒක දැනෙනවා.මගේ හිතේ ඔයා ගැන හැංගිච්ච ආදරේ මම ඔයාට දැනගන්න ඇරියේ නෑ.ඒ ඇයිද කියල මට තාමත් තේරෙන්නෑ කෙල්ලෙ....

ජීවිතේ ගැන හරිම පුදුමයි.මං කවදාවත් හිතුවෙ නැහැ මගේ හිත ඔයාට මේ තරම් ආදරේ කරයි කියලා.මට දැනටමත් ඔයාව අමතක කරන්න බැරි කමක් නෑ.ඒත් මං දන්නෑ මට අඬන්නැතුව ඉන්න පුලුවන්ද කියල. මගේ ඇස් ඔය ඇස් හැමතැනම හොයයි.මං දන්නවා......මට කවදාවත් ඔය ඇස් වලට එබීගෙන ඉන්න බැරි වෙයි.කමක්නෑ..මට මේ මතකයන් හුඟාක් වටිනවා.

මොනවද ඔයතරම් cls එකේදි කොල්ලොත් එක්ක කතාව.මට ඉරිසියයි කෙල්ලේ...හරිම ඉරිසියයි.

මට මේක හරිම ලස්සන හීනයක්‌. ඒත් මේ හීන මියැදෙන දවසට මට අඬන්නැතුව ඉන්න බැරි වෙයි.ඔයා මගේ ජීවිතේට ආවෙ නැහැ කියල මං හොඳටම දන්නවා.මමමයි ඔයාව මගේ ජීවිතේට එක්ක ගත්තෙ.මං තනියෙන් විඳවන්නම්.ඔයා සතුටින් ඉන්න.

මං ඔයාට ආදරේ කරන්නෙ ඇයි...?ඔයාගේ මොනවටද මං ආදරේ කරන්නෙ..?මේ ප්‍රශ්න වලට මං තාමත් විසඳුම් හොයනවා.

දන්නවද ඔයා හරිම ලස්සනයි.මං ඔයාට ආදරේ කරන්න ඒ ලස්සන හේතු උනේ නෑ කියන්න තරම් මං කුහක නෑ.

හිනාවෙනකොට හරිම ලස්සනයි.ඇඟ...හැරිල බලන්න හිතෙනවා(sorry).කථා කරනවා දැක්කම ලෝබයි.ලෝකෙම අමතක කරන,කරකැවෙන ඇස්.මේවටයි මං මුලින්ම ආස කලේ.ඒත් දැන් ඔයා... අබ්බගාත උනත් මට ආදරේ කරන්න පුළුවන්.

අමතක උනානෙ.මං X.ඔයාගේ නම නම් මං තාම දන්නෑ.පිස්සෙක් නේද නමවත් දන්නැති කෙල්ලෙක්ට ආදරේ කරන්න.

මේ පාර ගෙදර ගියාම මං අම්මට ඔයා ගැන කියනවා.(එයා මගේ fitඑක).මං ආදරේ කරන්නෙ මට ලබා ගන්න බැරි කෙල්ලෙක්ට කියලා,එයා මගේ හිතට හයියක් වෙයි ඔයාට බැරි උනාට.

තව දවස් කීයද?අපි දෙන්නටම exam 1තියෙනවා.මට විශ්වාසයි ඔයාට මේකෙන් ගොඩ යන්න පුළුවන්. හිතන ඉන්නෙ මීටරේ කියලනේ..

මං නම් පිස්සෙක්නෙ,නැත්නම් මේ වගේ කාලෙක ඔයාට මේ වගේ ලියුමක් දෙයිද?මං විහිළුවක් කලේ.මාත් හොඳට exam කරනවා.

071 – ****771මගේ 4න් numb 1.දැන් නම් මේක වැඩ කරන්නෙ නෑ.Exam එකෙන් පස්සෙ තමයි.සමහර විට ඔයාට හිතෙනවා ඇති මට මොකටද කියලා.මං දන්නවනේ ඔයා ආඩම්බරයි කියලා...ඒත් මං බලාපොරොත්තු වෙනවා ඔයා මට එකම දවසක්වත් කථා කරයි කියලා.

මට කියන්න,

ඔයා කාට හරි ආදරේ කරනවද?ඔය පුංචි හිතේ මට චුට්ටිම ඉඩක් වත් නැද්ද?මං මේ කරන්නෙ කිසිම තේරුමක් නැති වැඩක්ද?මට මේවට උත්තර දැනගන්න ඕනෙ.දැන් මට හුඟාක් දුක හිතිල.ඒත් ඔයා වැරදි නෑ.ඒ ඇයි දන්නවද,දුක හිතෙන්නෙ වැරදි වලට විතරක්ම නෙමෙයිනෙ.ඔයාට බුදු සරණයි.හොඳට පාඩම් කරන්න.

(Pls reply me)

මං X.

**********************

මේ ලියුම ලියුව කෙනාත් සමහර විට මේක කියවනවා වෙන්න පුළුවන්.මගේ යාලුවාවත්,කවුරුවත් දන්නෙ නැහැ මෙයා කවුද කියලා.මේකෙ number එකට කථා කලාට වැඩ කරෙත් නැහැ.

(ලියුම ලියුව කෙනාගෙ නම X කියලා වෙනස් කලා)

Leaders' Day 2012 - All undergraduates invited !

Association of Industrial Management Science Students (AIMSS) is the academic student association of the Department of Industrial Management of the Faculty of Applied Sciences, Wayamba University of Sri Lanka. AIMSS was founded in year 2005.

Association of Industrial Management Science Students (AIMSS), which believes in developing future leaders, takes a leading role in developing its members to be a positive influence. As an entity that demonstrates activating leadership, it consistently searches ways & means to empower our undergraduates truly explore & develop their potential in this regard.

Leaders’ Day is an effort to extend the benefits of AIMSS not only to its members but also to all the undergraduates of the university system. The day would consist of indoor and outdoor sessions delivered by highly sought after trainers from various reputed organizations across the country. This would be the ideal opportunity for many university undergraduates to obtain vital skills such as team management, leadership, communication and career skills.

Leaders’ Day aims to bring together eminent trainers, motivational speakers, local organizations and institutes to equip the brightest & best undergraduates of all the four faculties of the university and invited universities, with the necessary skills & competencies, in the form of one day workshop, to be the next game-changers as they embark on their career. 

Leaders' Day is scheduled to be held as soon as the union action of university lecturers is over at the Applied Sciences Faculty Complex, Wayamba University of Sri Lanka, Kuliyapitiya. By participating in Leaders'  Day you have the chance of winning ten 16GB pen drives, 3 Etislat internet dongles and 50 Microsoft branded T-shirts while equipping yourself with skills that you long waited for.

ජූනි 6 වන දා සිදුවන 21 වන සියවසේ අවසන් සිකුරු සංක්‍රාන්තිය

මං පැතුවෙ පිං

පසුගිය වෙසක් එකට නෙලුම් මල්  දන්සැලක් සංවිධානය කිරීමට අවස්ථාව මට ලැබුණා.ඒ කියන්නෙ මට මහඟු පිනක් සිදු කරන්න පුළුවන් උනා. එහෙම තමයි මමත් හිතුවේ. ඒ උනාට බොහොම ශ්‍රද්ධාවෙන් අපි ළඟට ඇවිත් දෝතින්ම මල මිටි අතට ගත්ත බහුතරයක් කිව්වේ 'thank you' කියලා. ඒ අවස්ථාවේදී මට හිතුනා මට ඕන උනේ පිං ද එහෙම නැත්නම් thank you ද කියලා. කොහොම උනත් බොහොම ගෞරවයෙන් ‘අනේ ගොඩක් පිං’ කියපු අයත් නොසිටියා නොවෙයි. ඒ වගේම මේ මල්වලට සල්ලි ගන්නවද කියල අහපු අයත් හිටියා.එතකොට නම් මම හිතුවෙ අපේ marketing අවුල් වගේ කියලා. සමහර අය අපි ගාවට එන්න බයේ ගියෙත් ඒක වෙන්න ඇති. ඒ අතරෙම ‘ගංගාරාම පන්සල ගාව නෙලුම් මලක් රුපියල් 20 යි. මේක නම් බොහොම පිං වැඩක්’ කියලා අපිව ගොඩක් ආඩම්බරයට පත කරපු කෙනෙකුත් හිටියා.

ඒ කොහොම උනත් දන්සැලක් දෙන බොහෝ දෙනෙක් පතන්නෙ පිං මිස thank you නොවන බව කරුණාවෙන් සලකන්න කියල ඉල්ලන්නයි මේ blog post ඒක ලියන්න හිතුවෙ.

“නැව ගිලුණත් බෑන් චුන්” - ඔබ නොදත් ඉතිහාස කතාව

වසර 1912 දී  අද වැනි  දිනක අත්ලාන්තික් සාගර පත්ලේ තම මංගල ගමනේදී ම අවසන් සුසුම හෙලූ ටයිටැනික් නෞකාවේ  සිටි වාදක කණ්ඩායම නිසා මෙම පිරුළ හටගත් බව අසන්නට ලැබුණි. මා මෙලෙස කියූ සැනින් ටයිටැනික් චිත්‍රපටය නරඹා ඇති සැවොම අදාල නිධාන කතාව දැනටමත් සිතාගෙන ඇතිවාට නිසැකය.

එහෙත් වීරයන් හැටියට සලකනු ලැබිය යුතු ටයිටැනික් වාදක කණ්ඩායමේ සාමාජිකයන් වෙනුවෙන් මෙම කතාව ඉතා සංක්ෂිප්තව  දිග හරිමි.

ටයිටැනික් නෞකාව වරායෙන් පිටත් වීම ආදිය ලියා මෙය දිගු කිරීම අනවශ්‍ය ය. අපි නෞකාව අයිස් පරයක ගැටීම සහ ගිලී යාම අතර කාලය පිළිබඳව සිත යොමු කරමු. අයිස් පරයේ ගැටුණු පසුව එය එතරම් බරපතල කරුණක් යයි කිසුවෙකුත් සිතුවේ නැත. පසුව එය බරපතල බව දැනගත් විට පවා නැවෙහි නිලධාරීන් උත්සාහ කලේ එය හැකිතාක් මගීන්ගෙන් වසන්  කිරීමටය. ඒ මගීන් කළබල වීම වැලැක්වීම සඳහාය.

ටයිටැනික් නෞකාවේ 08 දෙනෙකුගෙන් සමන්විත වාදක කණ්ඩායමක් සිටි අතර ඔවුන් සාමාන්‍යයෙන් වාදනයෙහි යෙදුනේ 04 දෙනා බැගිනි. එහෙත් අදාල තත්ත්වය යටතේ ඔවුන් 08 දෙනාම ඒකරාශී වී නැවෙහි පළමු පන්තිය වෙනුවෙන් තම වාදනය නොකඩවා කරගෙන ගියහ.

නෞකාව තුලට වේගයෙන් ජලය ඇතුළු වෙමින් පවතී. සේවකයෝ හැකි ඉක්මනින් කාන්තාවන් හා කුඩා දරුවන් ජීවිතාරක්ෂක බෝට්ටුවලට පටවමින් සිටිති. එහෙත් ගායක කණ්ඩායම එකිනෙකාගේ මුහුණු බලා ඒකමතික තීරණයකට විත් දිගටම වාදනය කරගෙන යති. ටයිටැනික් චිත්‍රපටය නරඹා තිබෙන සැමට එම දර්ශනය මේ මොහොතේ මැවී පෙනෙනු නිසැක ය.

උක්ත කතාව සරලව කිවහොත් ඔවුහු “නැව ගිලෙද්දී බෑන්ඩ් සෙල්ලම් කලහ ”. “Band playing while the ship sinks” යනුවෙන් ඉංග්‍රීසි භාෂාවට එකතු වුයේ මෙම සිද්ධිය යි. “නැව ගිලුණත් බෑන්(ඩ්) චූන්” ලෙස අපි එය සිංහලයට හරවා ගතිමු.

තමා දෙපා රඳවා සිටින නෞකාව ගිලී යද්දී තම මරණය නියත බව දැන දැනත් අනෙකුන් වෙනුවෙන් වාදනයේ යෙදුනු ඔවුහු වීරයෝ නොවෙත් ද?

ඔවුහු එම අවසාන ඉදිරිපත් කිරීමේදී වාදනය කල ගීත අතර  "Nearer My God To Thee" සහ "Autumn" වැනි ගීතිකා තිබෙන බව ඛේදවාචකයෙන් ජීවිත ගලවා ගත් අය පවසා තිබේ. එහෙත් ඔවුහු වාදනය කල අවසාන ගීතය කුමක් දැයි කිසිවෙක් නොදනිති. එය කිසිදා අනාවරණය නොවන්නා වූ වසර 100 ක් පැරණි ඓතිහාසික රහසකි.

පහත දැක්වෙන්නේ එම උත්තරීතර වාදන කණ්ඩායමේ සාමාජිකයන් ගේ නම් පෙළ යි.

   1.       Wallace Hartley - Bandleader

   2.       John Wesley

   3.       John Frederick

   4.       Georges Alexandre

   5.       Theodore Ronald

   6.       John Law Hume

   7.       Percy Cornelius Taylor

   8.       G.Krins

Inspired by Sunday Lankadeepa and titanic-titanic.com

අවුරුදු සුබ පැතුම් !!

                                        courtesy: Anjana Indrajith 

සුනාමි බියේ අතුරු කතාවක්

ඊයේ (2012/04/11) ඇති වෙච්ච් සුනාමි අවදානම් තත්ත්වයත් එක්ක දැකපු දේවල් නිසා  මේ සටහන ලියන්න හිතුනා. ඊයේ වෙච්ච් තත්ත්වයේ භූගෝලීය පසුබිම ,විද්‍යාත්මක පසුබිම ගැන නම් නෙවෙයි .ඒ තොරතුරු දැනටමත් හැමෝම දන්නවා. බොහෝ දෙනෙක් දැක්කත් නොදැක්කා වගේ ඉන්න ලාංකිකයෝ විදියට අපි කම්පා විය යුතු සමාජයීය කරුණු කිහිපයක් ගැන තමයි මම මතක් කරන්න උත්සාහ කරන්නෙ.

ඊට කලින් කියන්න ඕනේ කවුරු කොහොම කිව්වත් සමාජ වෙබ් අඩවි (පුවත්වල සත්‍යතාව තහවුරු කිරීම අපහසු උනත් )  වේගවත්ම පුවත් විසුරුවන්නා කියන එක ඊයෙත් හොඳටම ඔප්පු උනා. කෙලින්ම  කිව්වොත් ITN වගේ මාධ්‍ය මේ සිදු වීම වෙලා පැය ගානක් යනකනුත් කිසිම තොරතුරක් දෙන්නෙ නැතුව පරණ සිංහල චිත්‍රපටි පෙන්නද්දි facebook, twitter වගේ වෙබ් අඩවි මේ සුනාමි අවදානම ගැන දැනුවත් කරන්න විශාල මෙහෙයක් කළා (අපි අපිම තමයි ). හැබැයි සිරස, දෙරණ වගේ ආයතනත් සාපේක්ෂව හොඳ මෙහෙයක් ඉටු කල බව කියන්න ඕනේ . හැබැයි කාලගුණ විද්‍යා දෙපාර්තමේන්තුවේ නිල ව්බ් අඩවියේ සුනාමි අනතුරු ඇඟවීම් අන්තිමට යාවත්කාලීන වෙලා තිබ්බේ 2010 ඔක්තොබෙර් මාසේ. ඒවා පිළිබඳව වෙනමම blog post එකකින් කතා කරමු.

අද මම කතා කරන්න බලාපොරොත්තු වෙන කරුණු සැකෙවින් මෙහෙමයි,

            1.බොරු පුවත් ප්‍රචාරය

            2.අවස්ථාවාදී ප්‍රචාර

            3. අවස්ථාවාදී ක්‍රියා

දැන් මේ කරුණු වෙන් වෙන්ව කතා කරමු.

      1.       බොරු පුවත් ප්‍රචාරය

“ඔන්න සුනාමියක් එනවලු . හැමෝම පන බේරගෙන ඉවත් වෙන්න”- මේ මගේ යාලුවෙක් ඊයේ හවස 2.40 ට  විතර දාපු facebook status එකක්. මේකෙන් කියවෙන දෙය හොඳට බලන්න. මේකේ විදියට දැන් සුනාමි තරංගයක් ඇති වෙලා ඒක ගොඩබිමට එනවා . ඒත් ඇත්ත තත්ත්වය ඒක නෙමෙයි. ඒ වෙද්දිත් තිබ්බේ සුනාමියක් ඇති වීමේ අවදානමක් තියෙනවා කියලා විතරයි. පැසිපික් සුනාමි අනතුරු ඇඟවීමේ මධ්‍යස්ථානය නිකුත් කල අනතුරු ඇඟවීම මෙහෙමයි.

“EARTHQUAKES OF THIS SIZE HAVE THE POTENTIAL TO GENERATE A

WIDESPREAD DESTRUCTIVE TSUNAMI THAT CAN AFFECT COASTLINES ACROSS

THE ENTIRE Indian Ocean BASIN.

HOWEVER - IT IS NOT KNOWN THAT A TSUNAMI WAS GENERATED. THIS

WATCH IS BASED ONLY ON THE EARTHQUAKE EVALUATION. AUTHORITIES IN

THE REGION SHOULD TAKE APPROPRIATE ACTION IN RESPONSE TO THE

POSSIBILITY OF A WIDESPREAD DESTRUCTIVE TSUNAMI."

සුනාමියක් එනවා කිව්වම අපේ මුහුදු තීරයේ ඉන්න මිනිස්සු හොඳටම බය වෙනවා. ඔවුන්ට 2004 වෙච්ච් දෙය අද ඊය වගේ මතකයි. හැබැයි භූමිකම්පාවක් උනා සුනාමියක් එන්න අවස්ථාවක් තියෙනවා. තවම ඒක ස්ථිර කරලා නැහැ කිව්වම ඔවුන්ට දැනෙන හැගීම ටිකක් විතර සහනකරයි .

මේක මම ගොඩක් දෙනෙක්ගෙන් දැකපු වරදක්. මම මේක වැරැදියි කියල දැම්මම නැහැ නැහැ සුනාමියක් එනවා කියල මාත් එක්ක වාද කරපු අයත් හිටියා. සමහර විට ඔවුන් මේ පුවත සහ අනතුරු ඇගවීම තේරුම ගත්ත විදිය වෙන්න ඕනේ . කොහොම නමුත් ඔවුනුත් තත්ත්වය ගැන ප්‍රචාරය කරන්න උදවු උනා. හැබැයි අනාගතයේදී මීට වඩා බුද්ධිමත්ව තොරතුරු ප්‍රචාරය කිරීම ගොඩක් වටිනවා.

      2.       අවස්ථාවාදී ප්‍රචාර

ඇති වෙච්ච තත්ත්වයත් එක්ක facebook එකේ සමහර අය දාපු status දැක්කම හිතුනා අනේ සුනාමියක් එනවානම් හොඳයි කියලා හිතාගෙන ඉන්න පිරිසකුත් ඉන්නවද කියලා.මේක මට අවන්කවම ඇති වෙච්ච හැගීමක්.

මේ මගේ තවත් මිතුරෙක් කලබලය අස්සේ දාපු status update එකක්.

“දැන් සමහර අය ආයිත්  හෙල්පින් හම්බන්තොට සිහිනයේ කිමිදෙනවා ඇති !!!”

මේක කොච්චර අවස්ථාවදී ප්‍රකාශයක්ද කියලා හිතලා බලන්න. අපිට විවිද දේශපාලන මතිමතාන්තර තියෙන්න පුළුවන්. ඒත් අවශ්‍යතාවයකදී අපි හැමෝම එකට එකතු විය යුතුයි නේද? කවුරු හරි ඔය හීනේ කිමිදුනා හෝ ගොඩ පීනුවා හෝ ඒ ප්‍රකාශය තමන්ගේ දේශපාලන මතය පිට දාන්න මේ අවදානම ප්‍රයෝජනයට ගැනීමක් ලෙසටයි මට පේන්නෙ .

මේ මගේ තවත් යාලුවෙක් “All items are on a discount of 90% in Galle. Offer valid till Tsunami comes”.

මේක විහිළුවක් තමයි.ඒත් කොයි මොහොතේ සුනාමි රල තමන්ව ග්‍රහණය කර ගනීද ,තමන්ගේ දූ දරුවන්ට,ජීවිත කාලයට  උපයා ගත්ත දේවල්වලට මොනවා වෙයිද, තමන්ට අලුත් අවුරුද්ද සමරන්න පුළුවන් වෙයිද කියන දෙගිඩියාවෙන් මර බියේ දුවන මිනිසුන්ව උපහාසයට ගන්න ඒක කොයි තරම් හොඳද කියන ඒක පොඩ්ඩක් හිතලා බලන්න.

මේ වගේ තව ගොඩක් ප්‍රකාශ තිබුනත් ඒවා ඔක්කොම ලියන්න මගේ බලාපොරොත්තුවක් නැහැ.  

      3.       අවස්ථාවාදී ක්‍රියා

මේක මම කෙටියෙන්ම කියන්නම්. ඊයේ ඔය කලබල ඔක්කොම සිද්ද වෙද්දි සමහර අවස්ථාවාදියෝ අසරණ මිනිසුන්ගේ කඩවල් කොල්ල කාල තිබුනා. 2004 සුනාමියේදී දිය පාරට අහු වෙච්ච ගෑණු ළමයෙක්ගේ රත්තරන් මාලය කඩා ගන්න නරුමයොන්ගේ video ඒක හැමෝටම මතක ඇති කියල හිතෙනවා. ඒත් ඒවා තවම ඒ විදියට සිද්ද වෙනවා.

කොහොමින් කොහොම හරි තව ගොඩක් දේවල් කියන්න පුළුවන් උනත් මීට වඩා මුකුත් කියන්න මගේ බලාපොරොත්තුවක් නැහැ. මේකේ උදාහරණයට ගත්ත status updates කරපු යාලුවොත් එක්ක මගේ කිසිම පෞද්ගලික තරහක් එහෙම නැහැ මචං . නුඹලා ඔක්කොම සමාජය කියන මහා කුලකය පෙන්නුම් කරන කුඩා ඒකක ටිකක් විතරයි .

Faults

         Let it be mine
         Let it be yours
         Let it be someone else’s
         Whoever it is
         Whatever it does
         To err is human.                                                                            
         As you said to me,

        “Loved you yesterday,

         Love you today & will                                                                                                           
         Love you tomorrow”

         Understanding made us close
         Always till today
         Life doesn’t give us

         Everything we want

         That’s why we say
        “Life’s not a bed of roses”
         Sometimes we…
         Have to compromise
         If it is my fault,
         Forgive me once more
        With your overflowing affection
        Which I prefer most